نگران وزیر اعلیٰ بلوچستان کی تقرری

کوئٹہ (قدرت روزنامہ) بلوچستان میں آئینی بحران کا خدشہ ‘ 36 گھنٹے گزرنے کے باوجود پارلیمانی کمیٹی نہ بن سکی ۔ نگران وزیر اعلیٰ کی تقرری کیلئے پارلیمانی کمیٹی کے پاس 72 گھنٹے ہوتے ہے تاہم 36 گھنٹے سے زائد وقت گزر گیا تاحال کمیٹی نہ بن سکی ۔
بلوچستان اسمبلی سیکرٹریٹ کیجانب سے ماہرین قانون سے مشاورت کا سلسلہ جاری وزیر اعلیٰ بلوچستان کے پارلیمانی کمیٹی کیلئے 3 نام ارسال کئے تاہم نگران وزیراعلیٰ کیلئے تاحال آفیشل طور پر نام تجویز نہیں کئے۔
اپوزیشن لیڈر کیجانب سے کمیٹی کیلئے نام تجویز کئے گئے تاہم اس پر اپوزیشن کی دو جماعتوں نے اعتراض اٹھایا ہے۔ آئین کے تحت پارلیمانی کمیٹی کیلئے نام تجویز کرنا وزیر اعلیٰ اور اپوزیشن لیڈر کا اختیار ہے ’ آئینی ماہرین
بلوچستان اسمبلی سیکرٹریٹ کیجانب سے پارلیمانی کمیٹی کے قیام میں تاخیر سے صوبے میں آئینی بحران کا خدشہ ۔پارلیمانی کمیٹی کے وقت 72 گھنٹے گزرنے کے بعد معاملہ الیکشن کمیشن کے پاس چلا جائیگا ‘ آئینی ماہرین