بچوں کی یادداشت بہتر بنانے والی سپر غذائیں

اسلام آباد (قدرت روزنامہ)جب بچے بڑے ہو رہے ہوتے ہیں تو انہیں ان کا ذہن تیز کرنے کے لیے ہر قسم کی غذا کی ضرورت ہوتی ہے . اس ہی وجہ سے ان کی غذا میں ’سُپر فوڈ‘ شامل کرنا ضروری ہوتا ہے .

درج ذیل وہ غذائیں ہیں جو بچوں کی دماغی صلاحیت کو بہتر بنانے کےلیے ضروری ہیں .
بلیو بیری
بلیو بیری اینٹی آکسیڈنٹ سے بھرپور ہوتی ہے جو فلیونائیڈز کی زیادہ مقدار رکھنے کی وجہ سے یاد داشت جیسی ذہنی صلاحیتوں کو بہتر بنانے کے لیے جانی جاتی ہے .
سامن مچھلی
اومیگا-3 فی ٹی ایسڈ سے بھرپور سامن مچھلی دماغی صحت کو بہتر کرتی ہے اور یاد داشت کو بڑھاتی ہے .
انڈے
یاد داشت کے لیے اہم جز کولائن کے حامل انڈے بچوں کی غذا میں ایک بہترین اضافہ ہوسکتے ہیں .
اخروٹ
ڈی ایچ اے نامی اومیگا-3 فیٹی ایسڈ سے بھرپور اخروٹ دماغی کارکردگی اور یادداشت کو بہتر کرنے میں مدد گار ہوتے ہیں .
ہلدی
ہلدی میں موجود ایک فعال جز کرکیومن کا تعلق یاد داشت میں بہتری اور دماغی صلاحیتوں سے ہوتا ہے .