کراچی میں اتوار سے منگل کے دوران ہلکی بارش کا امکان

کراچی (قدرت روزنامہ)کراچی سمیت سندھ کے مختلف شہروں میں اتوار سے منگل کے دوران ہلکی بارش کا امکان ظاہر کیا گیا ہے . ماہر موسمیات کے مطابق اتوار سے منگل تک تھرپارکر، مٹھی، بدین، میرپورخاص، حیدرآباد، ٹھٹھہ، نوری آباد اور ملحقہ علاقوں میں بارش کا امکان ہے .

اس حوالے سے ماہر موسمیات کا کہنا ہے کہ 20 سے 22 اگست تک کمزور مون سون ہوائیں سندھ میں داخل ہوسکتی ہیں .
ماہر موسمیات کے مطابق خلیج بنگال میں ایک کمزور شدت کا ہوا کا کم دباؤ موجود ہے جو آئندہ 2 روز کے دوران وسطی بھارت تک آسکتا ہے اور اس سسٹم کے زیرِ اثر گجرات اور بحیرہ عرب میں بالائی فضا میں سرکولیشن بننے کا امکان ہے .