حسین اتنا لگو کہ 3، 4 لوگ، کیس جیلسی میں ٹھوک دیں، علیزے شاہ
اسلام آباد (قدرت روزنامہ)پاکستانی معروف اداکارہ و ماڈل علیزے شاہ نے سوشل میڈیا پر اپنے اوپر تشدد کے الزامات لگانے والوں سے متعلق ایک پیغام شیئر کیا ہے۔سوشل میڈیا انسٹاگرام پر اداکارہ علیزے شاہ نے اپنی ایک تصویر کے ہمراہ کیپشن شیئر کیا ہے۔
اداکارہ کا کیپشن میں لکھنا ہے کہ ’حسین اتنا لگو کہ 3 سے 4 کیس، لوگ جیلسی میں ٹھوک دیں۔‘
View this post on Instagram
یاد رہے کہ اداکارہ علیزے شاہ پر اُن کی ساتھی اداکارہ منسا ملک نے سیٹ پر تشدد اور بدسلوکی کے الزامات لگاتے ہوئے ان کے خلاف مقدمہ درج کروانے کی درخواست اسلام آباد کے تھانہ ویمن میں دائر کروا رکھی ہے۔
دوسری جانب فوٹو اینڈ ویڈیو شیئرنگ پلیٹ فارم انسٹاگرام پر بلاگر عائشہ جہانگیر ملک نے اسٹوری شیئر کرتے ہوئے، عینی شاہد کا نام لئے بغیر بتایا ہے کہ سیٹ پر موجود عینی شاہد کے مطابق اداکارہ علیزے شاہ نے نہیں بلکہ ساتھی اداکارہ منسا ملک نے سب سے پہلے علیزے کو تھپڑ مارا تھا جس کے بعد جھگڑا ہوا تھا۔
انہوں نے مزید بتایا کہ سیٹ پر موجود تمام عملہ اور ساتھی فنکار علیزے شاہ کے ساتھ کھڑے ہیں کیونکہ یہ واقعہ شام کے تقریباً 6 بجے کے آس پاس پیش آیا تھا اور علیزے اپنی شوٹنگ مکمل ہونے تک، رات 12 بجے تک سیٹ پر موجود رہیں، اس کے باوجود کہ ان کی سب کے سامنے تذلیل کی گئی۔
