جسٹس اصلاح الدین پہنور پر مشتمل سنگل بینچ کے روبرو سودی کاروبار کی روک تھام سے متعلق اہم سماعت ہوئی . عدالت نے صوبے بھر میں سود کے کاروبار سے منسلک افراد کیخلاف کریک ڈاؤن کے لیئے محکمہ داخلہ اور آئی جی سندھکو احکامات جاری کردئیے . جسٹس صلاح الدین پہنور نے احکامات جاری کرتے ہوئے کہا کہ آئی جی سندھ تمام ایس ایس پیز کو سود پر کاروبار کرنے والوں کیخلاف کارروائی کے احکامات جاری کریں . آئی جی سندھ کارروائی کرکے 26 ستمبر تک رپورٹ پیش کریں . ممبر انسپیکشن ٹیم 2 ہائیکورٹ تمام جوڈیشل مجسٹریٹ کو بھی عدالتی احکامات سے آگاہ کریں . جسٹس صلاح الدین پہنور نے محکمہ داخلہ سندھ کو تمام ڈپٹی کمشنرز کو سودی کاروبار سے منسلک افراد کیخلاف کارروائی کی ہدایت جاری کرنے کا حکم دیدیا . عدالت نے 2 ماہ میں دی سندھ پروہیبشں آف انٹرسٹ آن پرائیویٹ لون ایکٹ کے رولز بنانے کا حکم دے دیا . عدالت نے احکامات دیئے کہ سیکریٹری قانون 2 ماہ میں سود کے کاروبار کی روک تھام سے متعلق بنائے گئے ایکٹ کے رولز بناکر رپورٹ پیش کریں . اگر 2 ماہ رولز نہیں بنائے گئے تو سیکریٹری داخلہ عدالت میں ذاتی حیثیت میں پیش ہوں . سیکریٹری قانون نے عمل درآمد رپورٹ عدالت میں پیش کردی . جس میں کہا گیا کہ عدالتی احکامات پر صوبے میں دی سندھ پروہیبشں آف انٹرسٹ آن پرائیویٹ لون ایکٹ 2023 بنادیا گیا . ایکٹ کا باقاعدہ گزٹیڈ نوٹیفیکشن بھی ایشو کردیا گیا ہے . سودی کاروبار سے منسلک افراد کیخلاف قانون نافذ العمل ہوچکا ہے، کارروائیاں جاری ہیں . جسٹس صلاح الدین پہنور نے حکم دیا کہ ایسے لوگوں کیخلاف کارروائی کی جائے جو مجبور لوگوں کا فائدہ اٹھاتے ہیں . . .
کراچی(قدرت روزنامہ)سندھ ہائیکورٹ نے سودی کاروبار کی روک تھام سے متعلق صوبے بھر میں سود کے کاروبار سے منسلک افراد کیخلاف کریک ڈاؤن کا حکم دیدیا . عدالت عالیہ نے حکم دیا کہ ایسے لوگوں کیخلاف کارروائی کی جائے جو مجبور لوگوں کا فائدہ اٹھاتے ہیں .
متعلقہ خبریں