نواز الدین صدیقی شاہ رُخ خان سے متعلق متنازع بیان دے کر مشکل میں پڑگئے

Last Updated: August 28, 2023


ممبئی(قدرت روزنامہ) بالی ووڈ اداکار نوازالدین صدیقی سُپر اسٹار شاہ رُخ خان سے متعلق متنازع بیان دینے پر مشکل میں پھنس گئے۔
بھارتی میڈیا کے مطابق نواز الدین صدیقی سے ایک انٹرویو کے دوران میزبان نے سوال کیا کہ کیا آپ نے کبھی ایسا سنا ہے کہ آپ کی ہر فلم میں ایک ہی جیسے کردار ہوتے ہیں؟


جس پر نوازالدین صدیقی نے جواب دیا کہ ’میں اتنا ضدی آدمی ہوں، کبھی اپنے آپ کو ایسے ایک جیسے کردار کرنے ہی نہیں دوں گا۔‘
اداکار نے مزید کہا کہ ’ٹائپ کاسٹ کرنے والے ہیرو ہوتے ہیں۔ نواز نے شاہ رخ خان کو آڑے ہاتھوں لیتے ہوئے ان کا مشہور پوز بناکر کہا کہ وہ 35 سال تک اس طرح کی چیزیں کرتے رہتے ہیں‘۔


نواز الدین صدیقی کے انٹرویو کا یہ کلپ سوشل میڈیا پر گردش کر رہا ہے جس پر انہیں شدید تنقید کا نشانہ بنایا جارہا ہے۔
اداکار کو آڑے ہاتھوں لیتے ہوئے شاہ رُخ خان کے مداحوں نے کہا کہ نواز کو کوئی دیکھنا بھی پسند نہیں کرتا اور اس کی تمام فلمیں بھی فلاپ ہی ہوئی ہیں۔


ایک صارف نے کہا کہ نواز کو نہ جانے کس بات کا غرور ہے شاہ رُخ خان کو انڈسٹری میں برسوں ہوگئے ہیں جب نواز اداکاری بھی نہیں جانتا تھا۔

Tags
Last Updated: August 28, 2023