لاڈلے کی سزا معطل ہوئی ہے ختم نہیں، شہباز شریف

اسلام آباد (قدرت روزنامہ)اسلام آباد ہائی کورٹ کی جانب سے پی ٹی آئی چیئرمین کی سزا معطل کئے جانے پر سابق وزیراعظم شہباز شریف نے ردعمل میں کہا کہ لاڈلے کی سزا معطل ہوئی ہے ختم نہیں ہوئی۔
سابق وزیراعظم کا کہنا تھا کہ گُڈ ٹو سی یو اور وشنگ یو گڈ لک کا پیغام اسلام آباد ہائیکورٹ تک پہنچ گیا،فیصلہ آنے سے پہلے ہی سب کو پتہ ہوتو یہ نظام عدل کے لیے لمحہ فکریہ ہونا چاہیے۔
شہباز شریف کا کہنا تھا کہ اعلی ٰعدلیہ سے واضح پیغام مل جائے تو ماتحت عدالت یہ نہ کرے تو اور کیا کرے؟ ان کا کہنا تھا کہ آج کا فیصلہ تاریخ کے سیاہ باب میں لکھا جائے گا۔ایک طرف جھکے ترازو اور انصاف کو مجروح کرتا نظام عدل قابلِ قبول نہیں، انہوں نے کہا کہ خانہ کعبہ کے عکس والی گھڑی بیچ کر کھانے والے کے سامنے قانون بے بس ہے۔
چور اور ریاستی دہشت گرد کی سہولت کاری ہوگی توعام آدمی کو انصاف کہاں سے ملے گا،ان کا کہنا تھا کہ 9مئی ہو، جوڈیشل کمپلیکس پر حملہ ہو، پولیس پر پیٹرول بم کی برسات ہو، سب معاف۔