کوئٹہ میں چینی 230 روپے تک پہنچ گئی ، ذخیرہ اندوزی کے باعث مزید مہنگی ہونے کا خدشہ

کوئٹہ(قدرت روزنامہ)کوئٹہ میں چینی کی قیمت بلند ترین سطح پر پہنچ گئی ، ذخیرہ اندوزی کے باعث قیمتیں مزید بڑھنے کا خدشہ ہے۔کوئٹہ میں چینی 230 روپے میں فی کلو فروخت کی جا رہی ہے، 50 کلو چینی کی بوری 1100 روپے اضافے کے بعد 10 ہزار500 روپے کی ہو گئی۔
اس کے علاوہ شہر میں سفید چنا 100 روپے اضافے کیساتھ 520 روپے، مسور کی دال 70 روپے کے اضافے کے بعد 370 روپے میں فروخت ہو رہی ہے۔
ادھر فیصل آباد میں چینی کی قیمت 190 سے 200 روپے تک پہنچ گئی ہے ، ہول سیل میں چینی کا 50 کلو کا تھیلا 8ہزار800 روپے میں فروخت کیا جا رہا ہے۔ ہول سیل میں دکانداروں کو چینی 176 روپے فی کلو مل رہی ہے۔