آرمی چیف اور ان کی ٹیم کی بروقت مداخلت نے مافیاز کو روکا ہے۔ وزیر اطلاعات جان اچکزئی

کوئٹہ(قدرت روزنامہ) وزیر اطلاعات جان اچکزئی نے آرمی چیف کی مداخلت کا خیرمقدم کرتے ہوئے کہا ہے کہ چیف اور ان کی ٹیم کی بروقت مداخلت نے مافیاز کو روکا ہے۔
انہوں نے کہا: مافیاز بلیک مارکیٹنگ کے ذریعے کرنسی مارکیٹ میں سراسر افراتفری پھیلانا چاہتے تھے۔ ان کا کہنا تھا کہ حالات میں بہتری آئی ہے، اب اسٹیٹ بینک اور فنانس اس موقع کو نظام کو بہتر بنانے کے لیے استعمال کریں گے۔
وزیر نے یہ بھی کہا کہ سمگلنگ میں بھی کمی آئی ہے اور چینی کی قیمت مستحکم ہوئی ہے۔ انہوں نے کہا کہ وزیر اعلیٰ بلوچستان نے وزیر اعظم انوارالحق کی خواہش کے مطابق بجلی چوری اور چینی کی سمگلنگ کو روکنے کے لیے سماجی اقدامات کیے ہیں۔