لاہور(قدرت روزنامہ) آن لائن اشیا بھجوانے والے رائیڈر نے خاتون سے انتہائی قیمتی موبائل فون لیا اور پھر نیت خراب ہونے پر اسے لے کر فرار ہو گیا .
نجی ٹی وی ایکسپریس کے مطابق برطانیہ پلٹ خاتون کو موبائل فون اپنی رشتے دار کو بھجوانے کیلئے آن لائن رائیڈ بک رانا مہنگا پڑ گیا .
آن لائن ٹیکسی رائیڈر خاتون کا انتہائی مہنگا موبائل فون لے کر فرار ہو گیا . بتایا گیا ہے کہ خاتون نے قیمتی موبائل اپنی عزیزہ کو بھجوانے کیلئے رائیڈ بک کرائی . ٹیکسی ڈرائیور نے موبائل فون لیتے ہی رائیڈ کینسل کی اور اپنا موبائل بند کر دیا .
متاثرہ خاتون نے ٹیکسی ڈرائیور کو موبائل فون پکڑانے کی سی سی ٹی وی ویڈیو پیش کر دی جس میں ٹیکسی ڈرائیور خاتون سے موبائل فون پکڑتا ہے . پولیس نے خاتون کی درخواست کے باوجود کارروائی نہیں کی .