خزانے سے پیسے لینے کا رویہ ایسے جیسے مالِ مفت دلِ بے رحم، مصطفیٰ نواز کھوکھر
اسلام آباد (قدرت روزنامہ)سابق سینیٹر مصطفیٰ نواز کھوکھر نے کہا ہے کہ تیل قیمتوں میں اضافہ متوسط طبقے کی کمر میں خنجر گھونپنے جیسا ہے۔ملک میں گزشتہ روز پیٹرولیم مصنوعات کی قیمتوں میں اضافے سے متعلق سماجی رابطے کی ویب سائٹ ایکس (سابق ٹوئٹر) پر جاری کیے گئے بیان میں مصطفیٰ نواز کھوکھر نے کہا کہ عوام کب تک حکمرانوں کی نااہلی کی بھینٹ چڑھتے رہیں گے۔
مصطفیٰ نواز کھوکھر کا کہنا ہے کہ آمدن سے زیادہ خرچہ آپ کریں اور قیمت عوام اَدا کریں،کیوں؟ خزانے میں پیسہ عوام کے خون پسینے کی کمائی سے اکٹھا ہوتا ہے۔
تیل کی قیمتوں میں ہوش رُبا اضافہ عام آدمی اور متوسط طبقہ کی کمر میں خنجر گھونپنے کے مترادف ہے۔ عوام کب تک حکمران طبقہ کی نااہلی کی بھینٹ چڑھتے رہیں گے؟ آمدن سے زیادہ خرچہ آپ کریں اور قیمت عوام اَدا کریں، کیوں؟ سرکاری خزانے میں پیسہ عوام کے خون پسینے کی کمائی سے اکھٹا ہوتا ہے اور…
— Mustafa Nawaz Khokhar (@mustafa_nawazk) September 16, 2023
انہوں نے کہا کہ خزانے سے پیسے لینے کا رویہ ایسے جیسے مالِ مفت دلِ بے رحم، کچھ خدا کا خوف کریں۔ان کا کہنا ہے کہ اپنی نااہلی سے عام آدمی سے زندگی گزارنے کا حق تو مت چھینیں۔
واضح رہے کہ حکومت نے پیٹرولیم مصنوعات کی قیمت میں ریکارڈ اضافہ کرتے ہوئے پیٹرول فی لیٹر 26 روپے 2 پیسے اور ڈیزل 17روپے 34 پیسے مزید مہنگا کر دیا ہے۔ جاری اعلامیے کے مطابق پیٹرول کی نئی قیمت 331 روپے 38 پیسے اور ہائی اسپیڈ ڈیزل کی نئی قیمت 329 روپے 18 پیسے فی لیٹر ہوگئی ہے۔