اسلام آباد (قدرت روزنامہ) چیف جسٹس آف پاکستان نے بینچز تشکیل اور زیر التوا مقدمات پر تجاویز کے لیے اہم اجلاس طلب کرلیا . ذرائع کے مطابق بینچز کی تشکیل اور زیر التوا مقدمات کے معاملے پر چیف جسٹس سپریم کورٹ آف پاکستان جسٹس قاضی فائز عیسیٰ نے اہم اجلاس کل 3 بجے طلب کرلیا .
چیف جسٹس نے اجلاس میں شرکت کے لیے پاکستان بار کونسل و سپریم کورٹ بار کو دعوت دی ہے . اجلاس میں فراہمی انصاف کو بہتر کرنے کے معاملے پر وکلا تنظیموں کی تجاویز لی جائیں گی .
اجلاس میں وکلا تنظیمیں بینچز کی تشکیل، مقدمات سماعت کے لیے مقرر کرنے کے معاملے پر تجاویز دیں گی . وکلا اجلاس میں ارجنٹ نوعیت کے مقدمات کو جلد سماعت کے لیے مقرر کرنے پر تجاویز پیش کریں گے .