انصاف کیلئے پاکستانی عدلیہ آخری امید ہے، 9 سال سے لاپتا رفیق اومان کو بازیاب کرایا جائے، اہلخانہ
انہوں نے کہاکہ رفیق اومان بل نگور کے سرکاری ہائی سکول میں ہیڈماسٹر تھے جبکہ اس کے ساتھ وہ بلوچی زبان میں گیت گاتے بھی تھے ان دونوں کاموں کے علاوہ وہ نہ کبھی گھر سے باہر جاتے نہ ہی کوئی اور کام یا غیر قانونی سرگرمی میں شامل رہے، اگر اغوا کاروں کے نزدیک رفیق اومان ان دو کاموں کے علاوہ کسی غیر قانونی سرگرمی کا حصہ رہے ہیں تو ہمیں ان کے بارے میں بتایا جائے تاکہ ہم اس بات پر مطمئن رہیں کہ وہ قانون کی نظر میں واقعی ایک مجرم تھے لیکن اغوا کاروں کے پاس ثبوت نہیں تو خدارا ہمیں 9 سال اذیت دینے کے بعد ترس کھا کر انہیں بازیاب کیا جائے تاکہ ان کے بازیابی کی خوشی میں ہم اپنے نصیب کے یہ اندوہناک 9 سال بھول جائیں . انہوں نے کہا کہ رفیق اومان کی بازیابی کے لیے ہم نے اپنی بساط کے مطابق ہر در جہاں انصاف اور مدد ملنے کی امید تھی کھٹکھٹایا، ہم انتظامی افسران سے ملے، وزرا اور مشیروں سے ملاقات کی حتیٰ کہ انصاف رسائی کے آخری درواز ے عدلیہ کے سامنے بھی اپنا مقدمہ پیش کیا مگر بدقسمتی سے ملک میں عدالتی نظام بکاﺅ مال ہے، جس میں انصاف رسائی کی امید سراب کے سوا کچھ نہیں البتہ ہم مجبور اور بے بس ہیں اس لیے اسی عدلیہ سے انصاف کی طلب کرنے پر مجبور ہیں کیوں کہ ملک میں عدلیہ ہی انصاف دلانے کا سمبل ہے . انہوں نے نگراں وزیراعظم پاکستان، نگراں وزیراعلیٰ بلوچستان، چیف جسٹس آف پاکستان، عسکری قیادت اور تمام ملکی و صوبائی سیاسی جماعتوں سے رفیق اومان کی بازیابی کے لیے مدد کی اپیل کی ہے . . .
