یونیورسٹی طالبات کو ہراساں کرنے کا ایک اور واقعہ سامنے آگیا
کراچی(قدرت روزنامہ) شہرقائد میں راہ چلتی خواتین کو حراساں کرنے کے واقعات میں کم نہ آسکی، طالبہ نے موٹرسائیکل سوار اوباش نوجوان کی بنائی گئی ویڈیو سوشل میڈیا پر وائرل کردی۔ ویڈیو میں موٹرسائیکل سوار شخص کو طالبات کے سامنے نازیبا حرکات کرتے دیکھا جاسکتا ہے، اوباش شخص یونیورسٹی سے گھر جانے والی طالبات کی وین کا تعاقب کرتے ہوئے نازیبا حرکتیں کرتا رہا۔
واقعے کی ویڈیو وائرل ہونے کے بعد ایڈیشنل آئی جی کراچی خادم رندھ نے نوٹس لیتے ہوئےمتعلقہ افسران سے رپورٹ طلب کرلی۔ علاوہ ازیں رابطہ کرنے پر ایس ایس پی سینٹرل فیصل عبداللہ چاچڑ نے بتایا کہ طالبات کو حراساں کرنے کا واقعہ راشد منہاس روڈ پر واقع معروف شاپنگ سینٹر اور اسپورٹس کمپلیکس سے قبل پش آیا ہے۔
انہوں نے بتایا کہ ابتدائی معلومات کے مطابق ویڈیو چند روزپرانی ہے اس سے متعلق مزید تحقیقات کی جارہی ہے جبکہ متاثرہ طالبہ سے رابطہ کرنے کی کوشش کی جا رہی ہے۔
Harrasment Incident: Motorcycle rider ma**urb**ing and chasing a van of female university students at Rashid Minhas Road. One of the girl sat in van made this video. #Karachi pic.twitter.com/cRdS15Te79
— waheed Falak sher (@HamdanWahe57839) October 1, 2023
انہوں نے بتایا کہ اگرمتاثرہ طالبہ پولیس سے رابطہ نہیں کرتی توسرکارکی مدعیت میں واقعے کا مقدمہ درج کیا جائے گا اورملزم کا سراغ لگا کر اسے جلد گرفتار کیا جائے گا۔
واضح رہے کہ اس قبل نارتھ کراچی سیکٹر11 بی، فیڈرل بی ایریا بلاک 17 ،گلستان جوہرمیں خواتین کوحراساں کرنے کے واقعات رپورٹ ہو چکے ہیں لیکن ان واقعات میں ملزمان کے چہرے واضح ہونے کے باوجود پولیس ملزمان کوگرفتار کرنے میں ناکام رہی ہے جبکہ بلدیہ ٹاون اور اورنگی ٹاون میں خواتین کو حراساں کرنے میں ملوث 2 ملزمان کو گرفتار کیا گیا۔