کراچی: میٹرک امتحانات کے نتائج میں بے قاعدگیوں کا انکشاف

کراچی (قدرت روزنامہ)کراچی میٹرک بورڈ کے رواں سال 2023ء کے امتحانات کے نتائج میں بے قاعدگیوں کا انکشاف ہوا ہے، اس سال بھی ہزاروں طلبہ کو یکساں نمبرز دیے گئے۔محکمۂ تعلیم سندھ کے مطابق میٹرک بورڈ انتظامیہ کی جانب سے نتائج تبدیل کرنے والوں کے خلاف تحقیقات کا فیصلہ کیا گیا ہے۔
ہم معاملے کی گہرائی تک جائیں گے: ناظمِ امتحانات
ناظم امتحانات میٹرک بورڈ عمران بٹ نے ’جیو نیوز‘ سے گفتگو کے دوران کہا ہے کہ ہم معاملے کی گہرائی تک جائیں گے۔ان کا کہنا ہے کہ کوئی ملوث ہوا تو کارروائی کریں گے، تحقیقات کی رپورٹ اعلیٰ حکام کو پیش کی جائے گی۔
دستاویزات کے مطابق 407 طلبہ کو 999 اور 885 طلبہ کو 888 نمبر دیے گئے، 839 طلبہ کو 901 نمبرز، 907 طلبہ کو 877 نمبرز جبکہ 912 طلبہ کو 905 نمبرز دیے گئے۔
’جیو نیوز‘ کو حاصل ہونے والی دستاویزات کے مطابق 912 طلبہ کو 904 نمبرز اور 894 طلبہ کو 880 نمبرز دیے گئے۔