’ٹائیگر3‘ کا ٹریلر جاری کرنے کی تاریخ سامنے آگئی
ممبئی(قدرت روزنامہ) بالی ووڈ کے سُپر اسٹار سلمان خان کے مداحوں کے لیے انتظار کی گھڑیاں ختم ہونے والی ہیں کیونکہ یش راج فلمز نے اپنی بلاک بسٹر اسپائے یونیورس کی نئی فلم ’ٹائیگر3‘ کا ٹریلر جاری کرنے کی تاریخ کا اعلان کردیا ہے .
جاسوس ایجنٹ سلمان خان کی نئی آنے والی فلم ’ٹائیگر3‘ منیش شرما کی ہدایت کاری میں بننے والی فلموں میں سے اب تک کی بہترین فلم ہوگی اور سب کی نظریں اس فلم کی ریلیز پر ہیں .
سلمان خان کے مداح ‘ٹائیگر 3′ سے جُڑی ہر خبر پر نظریں جمائے بیٹھے ہیں اور آج ‘ٹائیگر 3′ کے فلمسازوں نے ٹریلر کی ریلیز کی تاریخ کا اعلان کرکے مداحوں کو پُرجوش کردیا ہے . اس حوالے سے یش راج فلمز کی جانب سے سماجی رابطے کی ویب سائٹ ایکس (ٹوئٹر) پر بتایا گیا کہ ‘ٹائیگر 3 کا ٹریلر 16 اکتوبر کو پہلے سے کہیں زیادہ زور سے گرجنے والا ہے’ .
ٹوئٹ میں بتایا گیا کہ ‘ٹائیگر 3 اس دیوالی پر سینما گھروں میں آ رہی ہے، فلم ہندی، تامل اور تیلگو زبان میں ریلیز ہوگی’ . یش راج فلمز کے ٹوئٹ کے بعد مداح بےصبری سے 16 اکتوبر کا انتظار کررہے ہیں . واضح رہے کہ میگا ایکشن اور تھرلر فلم میں سپر اسٹار سلمان خان، کترینہ کیف اور عمران ہاشمی نظر آئیں گے اور اسے دیوالی کے موقع پر ریلیز کیا جائے گا . ٹائیگر فرنچائز کی یہ تیسری فلم ہے اور اس سے قبل 2012 میں ’ایک تھا ٹائیگر‘ اور 2017 میں ’ٹائیگر زندہ ہے‘ ریلیز کی جاچکی ہے . یش راج فلم کی اسپائے یونیورس بالی وڈ کی بلاک بسٹر سیریز بن چکی ہے جس میں ہریتھک روشن کی ’وار‘ اور شاہ رخ خان کی ’پٹھان‘ ہندی سینما میں دھوم مچا چکی ہے . . .#Tiger3Trailer coming to roar louder than ever on 16th October. #Tiger3 arriving in cinemas this Diwali. Releasing in Hindi, Tamil & Telugu. #YRF50 | #YRFSpyUniverse pic.twitter.com/7KzMZA8Nx4
— Yash Raj Films (@yrf) October 4, 2023
