شوگر ملز کی درخواستیں منظور، چینی کی قیمت کا اختیار صوبوں کے پاس ہے، لاہور ہائیکورٹ
لاہور(قدرت روزنامہ) ہائی کورٹ نے شوگر ملز کی درخواستیں منظور کرتے ہوئے فیصلہ سنا دیا، جس میں قرار دیا گیا ہے کہ چینی کی قیمت مقرر کرنے کا اختیار صوبوں کے پاس ہے .
عدالت عالیہ لاہور نے چینی کی قیمتیں مقرر کرنے کے نوٹیفکیشن کے خلاف دائر درخواستوں پر فیصلہ سنا دیا، جس میں عدالت نے قرار دیا کہ چینی کی قیمت مقرر کرنے کا اختیار صوبوں کے پاس ہے .
جسٹس شاہد کریم کی سربراہی میں لاہور ہائی کورٹ کے 2 رکنی بینچ نے محفوظ فیصلہ سنایا، جس میں عدالت نے شوگر ملز کی درخواستوں کو منظور کرلیا . واضح رہے کہ وفاقی حکومت نے چینی کی قیمتیں مقرر کرنے کا نوٹی فکیشن جاری کیا تھا . عدالت نے چینی کی حد تک 1977ء کا پرائس کنٹرول ایکٹ صوبائی سطح پر کالعدم قرار دے دیا . . .
