تارکین وطن کو نکالنے سے شہر میں جرائم کم ہونگے، آفاق احمد

کراچی (قدرت روزنامہ)مہاجر قومی موومنٹ کے سربراہ آفاق احمد کا کہنا ہے کہ تارکین وطن کو نکالنے سے شہر میں جرائم کم ہونگے . کراچی میں سٹی کورٹ کے باہر میڈیا سے گفتگو کرتے ہوئے انہوں نے کہا کہ فلسطین کے معاملے پر پوری امت مسلمہ کو ایک پیج پر آنا چاہیے .

آفاق احمد نے کہا کہ شہری علاقوں کے مسائل پر سب کو مل کر جدوجہد کرنی ہوگی، سندھ اربن لائرز فورم لوگوں کو سرپرائز دے گا، سندھ میں وکلا کو پلیٹ فارم فراہم کیا جائے جہاں سب قومیں ساتھ بیٹھ سکیں .
انہوں نے غیر قانونی مقیم غیر ملکیوں کے خلاف جاری آپریشن پر بات کرتے ہوئے کہا کہ مستقل موبائل اور گاڑیاں چھینی جارہی ہیں لیکن کوئی گرفتاری نہیں ہورہی، تارکین وطن کو نکالنے سے شہر میں جرائم کم ہونگے .