تعصبانہ صحافت: فاطمہ بھٹو کا مغربی میڈیا کے بائیکاٹ کا مطالبہ

کراچی (قدرت روزنامہ)مشہور پاکستانی مصنفہ فاطمہ بھٹو نے غزہ میں نہتے فلسطینیوں کے خلاف جاری اسرائیلی جارحیت سے متعلق تعصبانہ صحافت پر شدید برہمی کا اظہار کرتے ہوئے مغربی میڈیا کا بائیکاٹ کرنے کا مطالبہ کیا ہے .
فاطمہ بھٹو نے سوشل میڈیا کی ویب سائٹ پر برطانیہ میں فلسطینیوں پر ہونے والے اسرائیلی مظالم کے خلاف ہونے احتجاجوں کے بارے میں برطانوی اخبار کی ایک گمراہ کن خبر کا اسکرین شاٹ شیئر کیا ہے .

اُنہوں نے یہ تصویر شیئر کرتے ہوئے لکھا ہے کہ اس اشتعال انگیزی کے خلاف احتجاج کرنے کے لیے ہم ایک بہت ہی آسان کام کر سکتے ہیں اور وہ یہ کہ نہ ان اخبارات کو خریدیں اور نہ ہی ان کی ویب سائٹ پر جا کر کسی لنک پر کلک کریں .

Here's a really simple thing we can do to protest this inflammatory nonsense that right-wing rags like @TheTelegraphUK publish: never buy their paper, never visit their website, never click on a link, and show our power through numbers. There are millions of us. pic.twitter.com/WSWAlMkAPk

— fatima bhutto (@fbhutto) October 19, 2023

فاطمہ بھٹو نے لکھا ہے کہ ہم لاکھوں کی تعداد میں ہیں تو اپنی بڑی تعداد کی طاقت دکھائیں .
اُنہوں نے اپنی پوسٹ کے آخر میں لکھا ہے کہ یاد رکھیں کہ آپ کے پارلیمانی ممبران، کانگریس مین اور صدور نے اس مشکل وقت میں کیا کیا اور کیا کہا اور پھر اپنے ووٹ کا استعمال یہ ظاہر کرنے کے لیے کریں کہ آیا آپ ان سے متفق ہیں یا نہیں .