اسمارٹ موبائل فونز، گاڑیوں اور چائے کی درآمد میں اضافہ

اسلام آباد (قدرت روزنامہ)ملک میں اسمارٹ موبائل فونز، گاڑیوں اور چائے کی درآمد میں اضافہ ہوا ہے . جولائی تا ستمبر اسمارٹ موبائل فونزکی درآمد میں 90 فیصد تک اضافہ ہوا ہے،موجودہ مالی سال 3 ماہ میں 30 کروڑ 40 لاکھ ڈالر کے فون امپورٹ ہوئے .

گزشتہ سال اسی مدت میں 16 کروڑ ڈالر مالیت کے فون درآمد ہوئے تھے . رپورٹ کے مطابق 3 ماہ میں 23 کروڑ 24 لاکھ ڈالر مالیت کی گاڑیاں درآمد ہوئیں، جولائی تا ستمبرکاروں کی امپورٹ میں 123 فیصد تک اضافہ ہوا .
رپورٹ کے مطابق چائے کی امپورٹ 22 فیصد اضافے سے 16 کروڑ 54 لاکھ ڈالر ریکارڈ کی گئی، گزشتہ سال پہلی سہ ماہی میں 13 کروڑ 52 لاکھ ڈالر کی چائے امپورٹ کی گئی .