باب دوستی سے نئی شرائط پر آمدورفت کیخلاف کوئٹہ چمن بین الاقوامی شاہراہ پر مظاہرہ

کوئٹہ(قدرت روزنامہ) باب دوستی سے نئی شرائط کے تحت دو طرفہ آمد و رفت کے خلاف کوئٹہ چمن بین الاقوامی شاہراہ پر مظاہرہ کیا گیا ہے . دھرنے سے کوئٹہ چمن شاہراہ کا ایک ٹریک بند ہے جبکہ تجارتی سامان کی سنگل ٹریک سے آمد و رفت جاری ہے .

مظاہرین کا کہنا ہے کہ نئی شرائط کے تحت مختصر دورانیے پر روزانہ آنے جانے والے پاکستانی اور افغان باشندوں کو سخت مشکلات ہیں . مظاہرین کا یہ بھی کہنا ہے کہ اُنہیں نئی شرائط کے تحت بائیو میٹرک کے بجائے صرف پاسپورٹ کے اندراج پر آنے اور جانے کی اجازت قبول نہیں .
دھرنے کے رہنما کا اس حوالے سے کہنا ہے کہ دونوں طرف سے روزانہ 10ہزار سے 15ہزار تاجر، محنت کش اور ڈرائیورز اسپین بولدک اور چمن آتے جاتے ہیں .
لیویز حکّام کے مطابق کمپیوٹرازڈ افغان شناختی دستاویز نہ رکھنے والے اسپین بولدک کے شہریوں کا پاکستان میں داخلہ بند ہے . لیویز حکّام نے بتایا کہ افغان حکومت کی انتظامیہ نے پاکستانی قومی شناختی کارڈ رکھنے والے چمن کے شہریوں کا بھی افغانستان میں داخلہ بند کردیا ہے .