جب کوئی چانس نہ ہو، پاکستان تب کم بیک کرکے بہترین کرکٹ کھیلتا ہے، ہرشا بھوگلے

اسلام آباد (قدرت روزنامہ)بھارتی کمنٹیٹر ہرشا بھوگلے نے کہا ہے کہ جب پاکستان کے پاس کوئی چانس نہ ہو، تب ہی وہ کم بیک کرکے بہترین کرکٹ کھیلتا ہے۔
سوشل میڈیا پر ایک پروگرام میں انہوں نے آج جنوبی افریقہ اور پاکستان کے درمیان ہونے والے اہم میچ کے حوالے سے اظہار خیال کیا۔ انہوں نے اس میچ میں قومی ٹیم کے آئی سی سی ون ڈے ورلڈکپ میں کم بیک کرنے کا بھی اشارہ کردیا۔
ہردشا بھوگلے کا کہنا تھا کہ ‘جب جب آپ کسی میگا ایونٹ میں پاکستان کو فیورٹ قرار دیتے ہیں۔ آپ انہیں کہیں کہ آپ ختم ہوگئے، واپسی کا کوئی موقع نہیں، آپ ٹورنامںٹ سے باہر ہوچکے ہیں، ایسے موقع پر وہ کم بیک کرتے ہیں۔’
بھارتی کمنٹیٹر نے مزید کہا کہ ‘پاکستان ایسی صورتحال میں اپنی بہترین کرکٹ کھیل کر کم بیک کرتے ہیں اور دوسری ٹیموں کیلئے خطرہ بنتے ہیں۔’

Harsha ji knows Pakistan very well ♥️ #PAKvSA #CWC23pic.twitter.com/nqHqlLSjGQ

— Farid Khan (@_FaridKhan) October 27, 2023

اس سے قبل انگلینڈ کے سابق کرکٹر اور کمنٹیٹر ناصر حسین بھی اس طرح کا بیان دے چکے ہیں جس میں انہوں نے کہا تھا کہ پاکستان کرکٹ ٹیم ورلڈکپ میں نیدرلینڈز سے ہار کر بھی فائنل میں پہنچنے کی صلاحیت رکھتی ہے۔
ناصر حسین کا کہنا تھا کہ ‘ ٹی ٹوئنٹی ورلڈ کپ 2022 پر نظر کریں تو پاکستان شروعات میں ٹورنامنٹ سے باہر نظر آرہا تھا لیکن پھر اچانک وہ فائنل میں پہنچ گیا۔’