جماعت اسلامی اسلام آباد کے امیر سمیت تمام کارکن رہا ، غزہ مارچ کا ضبط شدہ سامان بھی واپس

اسلام آباد (قدرت روزنامہ)جماعت اسلامی اسلام آباد کے امیر نصر اللہ رندھاوا سمیت تمام گرفتار کارکنوں کو رہا کر دیا گیا۔
جماعت اسلامی کے سیکرٹری اطلاعات قیصر شریف نے کہا ہے کہ پولیس نے گزشتہ روز اسلام آباد سے گرفتار تمام کارکنوں کو رہا کرکے انتظامیہ نے غزہ مارچ کے لیے ضبط سامان بھی واپس کر دیا۔
جماعت اسلامی کا اعلان کردہ غزہ مارچ شیڈول کے مطابق ہو گا اور اختتام ایمبیسی روڈ امریکی سفارتخانہ پر ہو گا۔ امیر جماعت اسلامی سراج الحق شام ساڑھے چار بجے مارچ سے خطاب کریں گے۔
واضح رہے کہ گزشتہ روز اسلام آباد انتظامیہ نے جماعت اسلامی کو امریکی سفارتخانے کے باہر غزہ ملین مارچ کی اجازت دینے سے انکار کرتے ہوئے متعدد کارکنوں و رہنماؤں کو گرفتار کرلیا جبکہ دوران حراست ایک رہنما کو ہارٹ اٹیک بھی ہوا تھا۔