ایوسٹین انجکشن کے استعمال پر عائد پابندی اٹھانے کا فیصلہ

اسلام آباد (قدرت روزنامہ)پنجاب حکومت نے ایوسٹین انجکشن کے استعمال پر عائد پابندی اٹھانے کا فیصلہ کیا ہے .
ذرائع کے مطابق پنجاب حکومت نے ایوسٹین میڈیسن ری کال الرٹس منسوخ کر دیئے ہیں .

پنجاب کوالٹی کنٹرول بورڈ،ہائی پاور کمیٹی نے ایوسٹین کے4بیچز ریلیز کی منظوری دیدی ہے .
پنجاب ڈرگ کنٹرول ڈائریکٹوریٹ سے ایوسٹین ری کال تنسیخی الرٹ جاری کئے گئے ہیں . ایوسٹین میڈیسن ری کال الرٹس 24، 28 ستمبر کو جاری کئے گئے تھے .
تنسیخی الرٹس کا اجرا ڈسٹریبیوٹر، ہول سیلرز، ریٹیلرز اور ڈاکٹرز کیلئے کیا گیا . ڈرگ ٹیسٹنگ لیب لاہورایوسٹین انجکشن کے4 بیچ معیاری قرار دے چکی ہے .
ایوسٹین 100 ایم جی کے تین، 400 ایم جی کا ایک بیچ قابل استعمال قرار دیا گیا ہے . ایوسٹین کی اسٹوریج، استعمال کے پروٹوکولز پر عملدرآمد یقینی بنانے کی ہدایت کی گئی ہے .
پاکستان میں ایوسٹین انجکشن بڑی آنت کے کینسر کے علاج کیلئے رجسٹرڈ ہے،ایوسٹین انجکشن آنکھ کی شریانوں کی بندش کھولنے میں استعمال کیا جا رہا تھا .