میانوالی ائیربیس حملے میں کس قسم کا اسلحہ استعمال ہوا؟ اہم تفصیلات سامنے آ گئیں

اسلام آباد(قدرت روزنامہ)میانوالی ائیربیس حملے میں کس قسم کا اسلحہ استعمال ہوا؟ اس حوالے سے اہم تفصیلات سامنے آ ئی ہیں ۔ “جیو نیوز ” کے مطابق حملے میں غیر ملکی اسلحہ استعمال ہونے کا انکشاف ہوا ہے ۔ذرائع کا کہنا ہے کہ 4 نومبر کو میانوالی میں پاکستان ائیرفورس ٹریننگ ائیربیس پر دہشتگرد حملے میں استعمال کیے جانے والے غیر ملکی اسلحہ سے متعلق تفصیلات سامنے آگئی ہیں۔حملے میں مارے جانے والے دہشتگردوں سے غیر ملکی اسلحہ ملاجو امریکی ساختہ ہے، دہشتگردوں سے ملنے والے اسلحے میں RPG-7، AK-74، M-4 اور M-16/A4 شامل ہیں۔
واضح رہےکہ 4 نومبر کو دہشتگردوں نے میانوالی میں پاکستان ائیرفورس کے ائیر بیس پر حملہ کیا جسے سیکیورٹی فورسز نے ناکام بناتے ہوئے تمام 9 دہشتگردوں کو جہنم واصل کر دیا تھا ۔