یوٹیلیٹی اسٹورز کارپوریشن کا 60 ہزارمیٹرک ٹن چینی خریدنے کا فیصلہ

اسلام آباد (قدرت روزنامہ)یوٹیلیٹی اسٹورز کارپوریشن نے 60 ہزارمیٹرک ٹن چینی خریدنے کا فیصلہ کرلیا ہے۔
کارپوریشن نے چینی کی خریداری کیلئے ٹینڈرجاری کردیا ہے، لفافہ بند بولیاں 20 نومبرکوطلب کرلی ہیں اور اسی روزہی کھولی جائیں گی۔
ذرائع یوٹیلیٹی اسٹورزکے مطابق دستیابی یقینی بنانے کیلئے چینی خریدنے کا فیصلہ کیا گیا۔
اسٹاک ختم ہونے سے پہلے چینی خریدنے کا پلان ہے،گزشتہ ماہ یوٹیلیٹی اسٹورزنے 20 ہزارمیٹرک ٹن چینی خریدی تھی۔
اخراجات ملاکر کارپوریشن کو فی کلو چینی تقریبا150 روپے میں پڑی تھی، یوٹیلیٹی اسٹورزکو 135روپے 27 پیسے فی کلو کے حساب سے کم سےکم بولی ملی تھی۔
واضح رہے کہ حالیہ مہینوں میں بروقت خریداری نہ کرنے کے باعث دو مرتبہ چینی کا بحران پیدا ہوا تھا۔