افغان مہاجرین کے معاملے پر کمیشن بنا کر مسئلہ حل کیا جائے، مولانا فضل الرحمان

اسلام آباد (قدرت روزنامہ)جمعیت علماء اسلام (جے یو آئی-ف) کے سربراہ مولانا فضل الرحمان نے کہا ہے کہ افغان مہاجرین کے معاملے پر کمیشن بنا کر مسئلہ حل کیا جائے .
اپنے بیان میں جے یو آئی (ف) کے سربراہ کا کہنا تھا کہ افغان مہاجرین کا مسئلہ دوطرفہ ہے، تجویز دی ہے کہ افغان مہاجرین معاملے پر کمیشن بنا کر مسئلہ حل کیا جائے .

انکا کہنا تھا کہ یک طرفہ فیصلوں سے تعلقات خراب ہوں گے . امن ہمیشہ انصاف کے ساتھ آتا ہے، ناانصافیاں ہوں تو امن نہیں ہوسکتا .
افغان مہاجرین کی واپسی پر انہوں نے یہ بھی کہا کہ افغانستان افغانوں کا ہے، بالآخر انہیں جانا تھا .
مولانا فضل الرحمان نے کہا کہ افغانستان نے اپنے علما سے فتوی لیا پاکستان میں مسلح کارروائی کو جہاد قرار نہیں دیا جاسکتا .