9 مئی واقعات میں ملوث مزید 105 افراد گرفتار

اسلام آباد (قدرت روزنامہ)لاہور پولیس نے 9 مئی کے واقعات میں ملوث 850 میں سے مزید 105 افراد کو گرفتار کر لیا۔
پولیس ذرائع کے مطابق گرفتار ملزمان کو مختلف تھانوں میں بند کیا گیا ہے، پچاس سے زائد کو جیلوں میں منتقل کر دیا گیا ہے، جناح ہاؤس کو سب سے پہلے آگ لگانے والا مرکزی ملزم پولیس پہلے ہی گرفتار کر چکی ہے ، مرکزی ملزم سمیت تمام ملزمان سے تفتیش کا عمل جاری ہے۔
ذرائع کا کہنا ہے کہ جلاؤ گھیراؤ کے واقعات میں ملوث باقی 745 ملزمان کی گرفتاری کے لیے مختلف علاقوں میں چھاپوں کا سلسلہ جاری ہے،انویسٹی گیشن ،آپریشنز اور اے وی ایل ایس کی ٹیمیں گرفتاری کے لیے تشکیل دی گئی ہیں، 850 افراد کی فہرست ٹیکنیکل بنیاد پر بنائی گئی ہے۔