ندا یاسر نے اپنے شو میں رابعہ انعم اور محسن عباس تنازع کی حقیقت بتا دی

اسلام آباد (قدرت روزنامہ)پاکستان کی نامور اور معروف مارننگ شو ہوسٹ ندا یاسر نے معروف اینکر رابعہ انعم سے ناخوشی کا اظہار کیا ہے .
نِدا یاسر نے حال ہی میں ایک پوڈ کاسٹ شو میں شرکت کی جہاں انہوں نے گزشتہ سال رابعہ انعم اور محسن عباس حیدر کے درمیان ہونے والے تنازع پر مایوسی کا اظہار کیا .

ندا یاسر نے پوڈکاسٹ شو میں اس بارے میں گفتگو کرتے ہوئے کہا کہ ’رابعہ کو شو سے پہلے میک اپ روم میں ہی پتہ چل گیا تھا کہ شو میں دوسرا مہمان کون ہے، ان کو مجھ سے آکر اسی وقت بات کرنی چاہئے تھی، کیمرے کے سامنے آنے کے بجائے کمیرے کے پیچھے بھی اعتراض کیا جاسکتا تھا‘ .
انہوں نے رابعہ انعم کے اس عمل سے مایوس ہوتے ہوئے مزید کہا کہ ’میں چونکہ میزبان ہوں، میرا کام لوگوں کوعزت دینا ہے، کوئی فرشتہ نہیں ہوتا، سب کی اپنی نجی زندگی ہے . میں کسی بھی مہمان کو یہ نہیں کہہ سکتی کہ تم نے اپنی بیوی کے ساتھ ایسا ویسا کیا‘ .
ندا یاسر نے مزید کہا کہ انہوں نے کسی کواس کی تذلیل کے لیے نہیں بلایا تھا اور رابعہ کا اس طرح جانا ان کے لیے بھی ذلت کا باعث تھا . اس کے بعد سے انہوں نے رابعہ کو اپنے شو میں مدعو نہیں کیا ہے .
خیال رہے کہ معروف اینکر رابعہ انعم محسن عباس کی موجودگی کے سبب شو سے اٹھ کر چلی گئی تھیں، ان کا کہنا تھا کہ وہ اہلیہ کو تشدد کا نشانہ بنانے والے کے ساتھ نہیں بیٹھ سکتیں .
جواب میں اسی شو کے دوسرے مہمان محسن عباس کی جانب سے خاموشی کا مظاہرہ کیا گیا تھا، اسی اثناء میں میزبان ندا یاسرنے شو میں وقفہ لے لیا تھا .
ندا یاسر کا شمار پاکستان کی مشہور مارننگ شو کی کامیاب ترین میزبان میں ہوتا ہے . وہ ایک دہائی سے زیادہ عرصے سے شو کی میزبانی کر رہی ہیں .