صحافی عمران ریاض کا پاکستان زندہ باد کا نعرہ، سافٹ ویئر اپڈیٹ کا سوال
اسلام آباد (قدرت روزنامہ)صحافی عمران ریاض کی ایکس پر چند ویڈیوز وائرل ہورہی ہیں جس میں وہ پاکستان زندہ باد کا نعرہ لگاتے اور گاڑی ڈرائیور کرتے ہوئے نظر آرہے ہیں . جب کہ ایک ویڈیو میں ان سے تلخ سوالات بھی کئے جارہے ہیں .
سماجی رابطے کی ویب سائٹ ایکس پر صحافی عمران ریاض کی چند ویڈیوز وائرل ہورہی ہیں، جن میں دیکھا جاسکتا ہے کہ صحافی عمران ریاض اپنے وکلا کے ہمراہ عدالت سے باہر نکل رہے ہیں اور چند صحافی ان سے سوالات کرتے ہیں .
Imran Riaz Khan stayed strong against all odds, shouting 'Pakistan Zindabad' loud and proud even in the toughest times. ❤️🇵🇰 pic.twitter.com/frR4nz7zJB
— S O H A I L👓 ( سہیل ) (@Msohailsays) November 16, 2023
عدالت کے احاطے میں ایک صحافی عمران ریاض سے سوال کررہا ہے کہ آپ کی طبیعت کیسی ہے . جس پر عمران ریاض تھوڑا منہ چڑا کر کہتے ہیں اے ون .
صحافی سوال کرتا ہے کہ کیا آپ کا سافٹ ویئر اپڈیٹ کردیا گیا ہے . جس پر عمران ریاض سر ہلا کر نفی میں جواب دیتے ہیں اور ساتھ مسکراتے ہیں . صحافی باربار یہی سوال دہراتا ہے کہ آپ کا سافٹ ویئر اپڈیٹ کردیا گیا ہے . جس پر عمران ریاض صرف اشاروں سے جواب دیتے ہیں اور سر ہلا کر دوبارہ نفی کرتے ہیں .
سوال: سافٹ ویئر اپ ڈیٹ ہوا کہ نہیں؟؟
عمران بھائی کا جواب کلئیر ہے اللہ سے ڈریں ، اللہ کی لاٹھی بے آواز ہوتی ہے . . pic.twitter.com/OEw4aKceA3— Waqas Amjad ( محترم ) (@waqas_amjaad) November 16, 2023
ایک اور ویڈیو میں جب عمران ریاض عدالت سے باہر پارکنگ میں پہنچتے ہیں تو صحافی سوال کرتا ہے کہ پاکستان کے عوام نے آپ کے لئے بہت دعائیں کیں، عوام آپ سے محبت کرتے ہیں . تو عمران ریاض جواب دینے کے بجائے گرج دار آواز میں نعرہ لگاتے ہیں پاکستان زندہ باد .
Alhamdulillah#ImranRiazKhan ❤️ pic.twitter.com/gdraId9x6y
— MrS Imran (@MrsImranRiaz) November 13, 2023
سوشل میڈیا پر صحافی عمران ریاض کی اہلیہ کی جانب سے پوسٹ کی گئی ایک ویڈیو بھی وائرل ہورہی ہے، جس میں عمران ریاض گاڑی ڈرائیو کررہے ہیں، اور پس پردہ علامہ اقبال کا کلام ’ہر لحظہ مومن کی نئی آن نئی شان‘ ملکہ ترنم نور جہاں کی آواز میں سنائی دے رہا ہے . جب کہ پوسٹ پر عمران ریاض کی اہلیہ نے ’الحمداللہ‘ لکھا ہوا ہے .
