9 مئی مقدمات: شیخ رشید کی ضمانت میں 25 نومبر تک توسیع
اسلام آباد (قدرت روزنامہ)راولپنڈی کی انسداد دہشت گردی عدالت نے 9 مئی کے مقدمات میں سابق وفاقی وزیر ریلوے شیخ رشید اور شیخ راشد شفیق کی ضمانت میں 25 نومبر تک توسیع کردی .
انسداد دہشت گردی عدالت کے جج ملک اعجاز آصف نے شیخ رشید کی ضمات کی درخوستوں پر سماعت کی .
شیخ رشید اور شیخ راشد شفیق انسداد دہشت گردی عدالت راولپنڈی میں پیش ہوئے .
عدالت نے دلائل کے بعد 25 نومبرتک ضمانت میں توسیع کردی .
بعدازاں میڈیا سے گفتگو میں شیخ رشید نے کہا کہ 23 مقدمات میں ضمانتیں ہوگئی ہیں، اب تک 68 مقدمات سامنے آچکے ہیں .
انہوں نے مزید کہا کہ لاہور ہائیکورٹ راولپنڈی بینچ نے تمام ضمنی مقدمات کا ریکارڈ طلب کررکھا ہے، ایک ہفتے میں تمام مقامات سامنے آجائیں گے .
اس سے قبل 9 مئی کے مقدمات میں شیخ رشید کی ضمانت 18 نومبر تک منظور کی گئی تھی .
