ڈالر مزید سستا ، اسٹاک ایکسچینج نے پہلی بار 58 ہزار کی حد عبور کر لی
اسلام آباد (قدرت روزنامہ)روپے کی قدر بحال ہونے لگی ، ڈالر کی قیمت میں مسلسل تیسرے روز بھی کمی ہو گئی ، دوسری جانب اسٹاک مارکیٹ میں تیزی کا رجحان برقرار ہے .
بدھ کو کاروبار کے آغاز پر انٹر بینک میں ڈالر 54 پیسے سستا ہو گیا، جس کے بعد ڈالر کی قیمت 285 روپے 25 پیسے پر آ گئی .
دوسری جانب اسٹاک مارکیٹ میں تیزی کا رجحان برقرار ہے ، کاروبار کے آغاز پر پاکستان اسٹاک ایکسچینج کے 100 انڈیکس میں 663 پوائنٹس کا اضافہ ریکارڈ کیا گیا ، جس کے بعد انڈیکس 58 ہزار33 پوائنٹس کی سطح پر پہنچ گیا .
