دسمبر میں پیدا ہونے والے افراد ہر جگہ اپنا نمایاں مقام بنانے میں کامیاب ہو جاتے ہیں

اسلام آباد (قدرت روزنامہ)دسمبر میں پیدا ہونے والے چند حیران کن خصوصیات کے حامل ہوتے ہیں۔
اس ماہ 22 تاریخ تک پیدا ہونے والے لوگ برج قوس جبکہ اس کے بعد جنم لینے والے برج جدی کے اندر آتے ہیں۔
دسمبر میں پیدا ہونے والے افراد ہر جگہ اپنا نمایاں مقام بنانے میں کامیاب ہوجاتے ہیں،سال کے بارہویں اور ٹھنڈے ترین مہینے میں پیدا ہونے والے کافی تخلیقی اور آرٹسٹک ذہن کے حامل ہوتے ہیں، کئی مشہور اداکار بھی اسی مہینے میں پیدا ہوئے ہیں۔
دسمبر میں پیدا ہونے والے کافی خوش نصیب ہوتے ہیں کیونکہ انہیں کامیاب ہونے کے لئے دوسروں کے جتنی محنت نہیں کرنا پڑتی اور جلد ہی اپنی شخصیت کے جادو کی وجہ سے لوگوں کی آنکھوں میں نمایاں مقام بنا لیتے ہیں اسی خوبی کی وجہ سے دولت ہو یا شہرت یا پھر کامیابی ان کے قدم ہی چومتی ہے۔
کم گو اور تنہائی پسند ہوتے ہیں، ان کا آرٹسٹک ذہن ہمیشہ سوچ بچار میں مصروف رہتا ہے اسی وجہ سے اکثر انہیں لوگوں پر غصہ بھی آنے لگتا ہے مگر چونکہ دل کے صاف ہوتے ہیں اس لئے پرخلوص ہوتے ہیں۔ بہتر ہے کہ انہیں زیادہ تنگ نہ کیا جائے بلکہ جب یہ خود بات کرنا چاہیں تب ہی بات کی جائے۔
دسمبر میں پیدا ہونے والے زیادہ تر افراد پیدائشی ٹیچر ہوتے ہیں، یہ لوگ اپنے علم اور فن کو دوسروں سے شیئر کرنے میں دلچسپی لیتے ہیں۔ ایسے افراد ہر ممکن طریقے سے دوسروں کی مدد کرتے ہیں۔
دسمبر میں پیدا ہونے افراد اپنی ایمانداری اور سچائی کی وجہ سے بھی لوگوں کے دلوں میں اپنی جگہ بناتے ہیں، ایسے زیادہ تر افراد کبھی غلط راستہ اختیار نہیں کرتے۔