پنجاب: نجی اسکولوں میں 60 فیصد بچوں کو ٹرانسپورٹ مہیا کرنا لازم قرار
اسلام آباد (قدرت روزنامہ)پنجاب حکومت نے صوبے بھر میں بڑھتی ہوئی اسموگ کی صورتحال کو مدنظر رکھتے ہوئے نجی اسکولوں کو 60 فیصد بچوں کو ٹرانسپورٹ مہیا کرنا لازم قرار دیدیا .
صوبائی حکومت کی جانب سے اسموگ کے تدارک کیلئے نجی اسکولوں کی ٹرانسپورٹ پالیسی تبدیل کر دی گئی .
پالیسی کے تحت پرائیویٹ اسکولوں کو ہر صورت اپنی بسیں خریدنا ہوں گی .
ایجوکیشن اتھارٹی کے مطابق اسکولز 60 فیصد بچوں کو بس پر لانے کے پابند ہوں گے . احکامات کی خلاف ورزی کرنے پر متعلقہ اسکولز کیخلاف کارروائی عمل میں لائی جائے گی .
علاوہ ازیں ایجوکیشن اتھارٹی لاہور نے اسکولز کو بسیں خرید کر سرٹیفکیٹ جمع کرانے کی ہدایت بھی کر دی ہے . ابتدائی طور پر پالیسی بڑے پرائیویٹ انسٹی ٹیوٹ پر لاگو ہوگی .
