شفاف انتخابات کیلئے چاروں صوبوں کے گورنرز کو برطرف کیا جائے: حافظ نعیم الرحمٰن

اسلام آباد (قدرت روزنامہ)امیرِ جماعتِ اسلامی کراچی حافظ نعیم الرحمٰن نے مطالبہ کیا ہے کہ شفاف انتخابات کروانے کے لیے چاروں صوبوں کے گورنرز کو برطرف کیا جائے .
حافظ نعیم الرحمٰن کا پریس کانفرنس کرتے ہوئے کہنا ہے کہ مردم شماری میں کراچی کی مخصوص آبادیوں کی گنتی کم کی گئی تاکہ من پسند حلقہ بندی ہو .

اُنہوں نے کہا کہ الیکشن کمیشن خود اپنےاحکامات پر عمل پیرا نہیں ہو رہا، ملک بھر میں حلقہ بندیوں میں بھی تضاد ہے .
امیرِ جماعتِ اسلامی کراچی نے مزید کہا کہ ایم کیو ایم نے ایک بار پھر انتخابات میں ڈیل کر لی ہے، بلدیاتی الیکشن میں ہماری سیٹیں چھین لی گئیں .
حافظ نعیم الرحمٰن نے کراچی میں تعمیرات کے قوانین کی خلاف ورزیوں کے بارے میں بات کرتے ہوئے کہا کہ شہر میں عمارتوں کی تعمیر کے ضوابط رشوت کے لیے نظر انداز ہوئے، کراچی میں غیر قانونی عمارتوں کی بھرمار ہے، ان میں حفاظتی راستے نہیں .