بھارت میں جنگل کا قانون ہے ،مشعال ملک

اسلام آباد(قدرت روزنامہ)بھارتی سپریم کورٹ کی جانب سے آرٹیکل370کی منسوخی کوآئینی قرار دینے پر کشمیری حریت رہنما یاسین ملک کی اہلیہ اوروزیراعظم کی معاون خصوصی مشعال ملک نے بھی ردعمل دیا ہے۔
ایک ویڈیو پیغام میں ان کا کہنا تھا کہ بھارت میں جنگل کا قانون ہے ،آج ایک بار پھر ہندوستان نے کشمیری قوم سے نفرت کا اظہار کیا، بھارت کا وزیراعظم ہو، دہشتگرد فوج ہو یا عدلیہ ہو کسی نے بھی کشمیریوں کو انصاف نہیں دیابھارت نے آج اپنے ہی کے آئین کی خلاف ورزی کی۔
ان کا مزید کہنا تھا کہ بھارتی سپریم کورٹ کا فیصلہ جنیوا کنونشن اور اقوام متحدہ کی قراردادوں کے منافی ہے،مودی اور نیتن یاہو میں مقابلہ ہے کہ کون کتنا زیادہ قتل عام کرے گا، آر ایس ایس اور بھارتی دہشتگردی کا دائرہ پوری دنیا تک پھیل چکا ہے،بھارت سے کشمیر تک کشمیریوں اور سکھوں کا قتل عام جاری ہے، دنیا آخر کب جاگے گی؟ کشمیری اور کتنی قربانیاں دیں کہ اقوام عالم جاگے گی؟۔