میری قربانی سے مسائل حل ہوتے ہیں تو تیار ہوں: علیم خان

لاہور (قدرت روزنامہ)استحکامِ پاکستان پارٹی کے صدر علیم خان کا کہنا ہے کہ میری قربانی دے کر ملکی مسائل حل ہوتے ہیں تو تیار ہوں . لاہور میں پریس کانفرنس کرتے ہوئے علیم خان نے کہا کہ کسی کی قربانیاں دے کر اپنی سیٹیں نہیں بڑھائیں گے .

انہوں نے کہا کہ لاہور اور پاکستان کی سیاست میں ہمایوں اختر کی اہم خدمات رہی ہیں، ہمایوں اختر آئی پی پی کو مضبوط کریں گے . علیم خان کا کہنا ہے کہ ہمارے مذاکرات ضرور ہو رہے ہیں، نتیجہ سب کے سامنے آئے گا .
واضح رہے کہ پاکستان تحریکِ انصاف کے سابق رہنما ہمایوں اختر خان استحکامِ پاکستان پارٹی میں شامل ہو گئے . ہمایوں اختر خان نے آئی پی پی کے سربراہ جہانگیر ترین سے ملاقات کی ہے .
ملاقات میں علیم خان، اسحاق خاکوانی، عون چوہدری اور فردوس عاشق اعوان بھی موجود ہیں . ملاقات کے بعد پریس کانفرنس کے دوران ہمایوں اختر خان نے استحکامِ پاکستان پارٹی میں شمولیت کا اعلان کیا .