‘ شادی کی آج 40 ویں سالگرہ ہے ‘ شاہ محمود قریشی نے صحافیوں کو بتایا تو ساتھ کھڑی اہلیہ نے ایسی بات کہہ دی کہ سب کی ہنسی چھوٹ گئی

اسلام آباد (قدرت روزنامہ)شاہ محمود قریشی کو جب عدالت میں پیشی پر لایا گیا تو انہیں میڈیا نمائندوں نے گھیر لیا اس دوران ایک نہایت ہی دلچسپ واقعہ اس وقت دیکھنے کو ملا جب وائس چیئرمین پی ٹی آئی نے رپورٹرز کو بتایا کہ آج ان کی شادی کو 40 برس ہو گئے لیکن ساتھ کھڑی اہلیہ نے شوہر کی یاداشت درست کرواتے ہوئے کہا کہ ' شاہ جی 40 نہیں 42 ' سال ہو گئے .
تفصیلات کے مطابق سوشل میڈیا پر وائرل ہونے والی ویڈیو میں شاہ محمود قریشی کو دیکھا جا سکتا ہے کہ وہ کافی خوش دکھائی دے رہے ہیں اور یقینی طور پر یہ خوشی اہلیہ کے ساتھ 42 بہاریں دیکھنے اور ہمیشہ ساتھ نبھانے والے ساتھی کی اپنے ساتھ موجودگی کے باعث ہے .

انتہائی خوبصورت وڈیو ماشاءاللہ، کس نے سوچا تھا کہ شادی کی سالگرہ ایسے منائیں گے . لیکن پھر کس نے سوچا تھا کہ یہ تاریخ میں اتنے خوبصورت الفاظ میں لکھے جائیں گے . اللہ آپ دونوں کا ساتھ سلامت رکھے . #ShahMehmoodQureshi pic.twitter.com/Le19vn9PGI

— Mehvish Ali (@GMehvishali) December 29, 2023

آپ کو یہاں یہ بھی بتاتے چلیں کہ سپریم کورٹ نے شاہ محمود قریشی اور عمران خان کی سائفر کیس میں ضمانت منظور کر لی تھی لیکن شاہ محمود قریشی کو ڈپٹی کمشنر کے حکم پر 15 دن کیلئے نظر بند کر دیا گیا , بعدازاں ان کی نظر بندی کا حکم واپس لیتے ہوئے جیل سے رہا کر دیا گیا ، شاہ محمود قریشی کو جیل سے باہر نکلتے ہی آر اے بازار تھانے کے اہلکاروں نے ایک اور کیس میں دوبارہ حراست میں لے لیا . یاد رہے کہ شاہ محمود قریشی کی جیل میں اہلکاروں کے ساتھ گفتگو کی ویڈیو بھی وائرل ہوئی تھی .