سانحہ 9 مئی: بانیٔ پی ٹی آئی، شاہ محمود، پرویز الہٰی سمیت 51 ملزمان کی جائیداد ضبط کرنے کا حکم
گوجرانوالا (قدرت روزنامہ)گوجرانوالا کی انسدادِ دہشت گردی کی عدالت نے گوجرانوالا کینٹ پر 9 مئی کو حملے اور جلاؤ گھیراؤ کے مقدمے میں بانیٔ پی ٹی آئی، شاہ محمود قریشی اور پرویز الہٰی سمیت 51 ملزمان کی جائیداد ضبط کرنے کا حکم دے دیا . عدالت میں مقدمے میں ملوث 51 ملزمان کو اشتہاری قرار دینے کی کارروائی جاری ہے .
عدالتی حکم پر ملزمان کے گھروں اور شہر کے اہم مقامات پر اشتہار آویزاں کیے گئے ہیں . عدالت نے ملزمان کے ناقابلِ ضمانت وارنٹِ گرفتاری جاری کر رکھے ہیں . مقدمے میں دہشت گردی کے ساتھ قتل کی دفعہ بھی لگائی گئی ہے .
51 ملزمان کی فہرست میں بانیٔ پی ٹی آئی، شاہ محمود قریشی، چوہدری پرویز الہٰی، یاسمین راشد، اعجاز چوہدری بھی شامل ہیں .
مراد سعید، حماد اظہر، فرخ حبیب، عمر ایوب، علی امین گنڈا پور، زرتاج گل، زبیر نیازی، اکرم ساہی، شوکت بھٹی،احمد چٹھہ، بلال اعجاز اور ظفر اللّٰہ چیمہ کے نام بھی ملزمان میں شامل ہیں .
