وزارت داخلہ کی جانب سے اسلحہ لائسنس سے متعلق گزٹ نوٹیفکیشن جاری کردیا گیا
نجی ٹی وی 24نیوز کے مطابق نوٹیفکیشن میں بتایا گیا کہ نئے ممنوعہ بو ر اسلحہ لائسنس کے اجرا کی فیس 10ہزار500مقرر کی گئی ہے جبکہ غیرممنوعہ بور اسلحہ لائسنس کی فیس چھ ہزار 500روپے مقرر کی گئی ہے . ممنوعہ بور اسلحہ لائسنس کی تجدید کے لئے فیس آٹھ ہزار جبکہ غیرممنوعہ اسلحہ لائسنس کی تجدید کے لئے فیس چار ہزار مقرر کی گئی ہے . نوٹیفکیشن کے مطابق دو لائسنسز کے حصول کے لئے کم از کم ایک لاکھ کا سالانہ ٹیکس فائلر ہونے کی شرط عائد کی گئی ہے جبکہ غیر ممنوعہ بور اسلحہ لائسنس کے حصول کے لئے 50ہزار کا ٹیکس فائلر ہونے کی شرط رکھی گئی ہے . صدر مملکت اور وزیراعظم غیر ممنوعہ بور کے دو اسلحہ لائسنس حاصل کرسکیں گے جبکہ چیئرمین سینیٹ، سپیکر قومی اسمبلی ، چیف جسٹس سپریم کورٹ اور ہائی کورٹ کو بھی دو لائسنس مل سکتے ہیں . نوٹیفکیشن کے مطابق وزارئے اعلیٰ ، گورنرز اور اراکین اسمبلی بھی دو لائسنس حاصل کرسکیں گے . گریڈ 22کے وفاقی سیکرٹریز بھی ممنوعہ بور کے لائسنس حاصل کرسکیں گے جبکہ گریڈ 21کے افسران کو متعلقہ محکمہ کے سربراہ سے این سی او سی لینا ہوگا . ممنوعہ بور لائسنس کے اجرا کا اختیار وزیر داخلہ جبکہ غیر ممنوعہ بور اسلحہ لائسنس کا اختیار سیکرٹری داخلہ کے سپرد کر دیا گیا ہے . . .
