کراچی میں آج رواں موسم سرما کی سرد ترین صبح

کراچی (قدرت روزنامہ)کراچی میں رواں موسم سرما کی سرد ترین صبح آج رہی۔چیف میٹرولوجسٹ سردار سرفراز کا کہنا ہے کہ کراچی میں پارہ 10 ڈگری سینٹی گریڈ تک گر گیا، آئندہ دو سے تین روز سردی کی شدت زائد رہے گی۔
سردار سرفراز نے کہا کہ پارہ سنگل ڈیجٹ میں بھی جاسکتا ہے، درجہ حرارت 8 سے 10 ڈگری سینٹی گریڈ تک رہنے کا امکان ہے۔
چیف میٹرولوجسٹ کا کہنا ہے کہ دو سے تین روز بعد سردی کی شدت میں کچھ دن کے لیے کمی آجائے گی۔ انہوں نے کہا کہ کراچی میں بارش کا فی الحال کوئی امکان نہیں ہے۔