دوسری جماعتیں کرسی کیلئے پی پی عوام کیلئے سیاست کرتی ہے، آصفہ بھٹو
کراچی (قدرت روزنامہ)چیئرمین پاکستان پیپلز پارٹی (پی پی پی) بلاول بھٹو زرداری کی ہمشیرہ آصفہ بھٹو زرداری نے کہا ہے کہ دوسری جماعتیں کرسی کیلئے پیپلز پارٹی عوام کیلئے سیاست کرتی ہے . آصفہ بھٹو زرداری کراچی کے علاقے میمن گوٹھ پہنچی جہاں پارٹی کارکنان نے انکا استقبال کیا .
اس موقع پر کارکنان سے اپنے خطاب میں آصفہ بھٹو زرداری کا کہنا تھا کہ میرے بھائی بلاول نے عوام کا منشور دیا ہے، 8 فروری کو تیر پر مہر لگاکر بلاول کو ووٹ دیں . آصفہ بھٹو نے کہا کہ بلاول ہی آپ کے لیے جدوجہد کرسکتا ہے، انتخابات میں جیت بلاول اور عوام کی جیت ہوگی .
انہوں نے یہ بھی کہا کہ پاکستان پیپلز پارٹی واحد جماعت ہے جو غریب کی تکلیف کو سمجھتی ہے، پاکستان پیپلز پارٹی عوام کےلیے سیاست کرتی ہے .
“چیئرمین بلاول بھٹو زرداری ایک عوام دوست اور غریب دوست منشور لے کر آئیں ہیں، جس پر عمل کرنے کیلئے آپ کے ساتھ کی ضرورت ہے . ”
بی بی آصفہ بھٹو زرداری کا ابراہیم حیدری کے مقام پر انتخابی ریلی سے خطاب@AseefaBZ #چنو_نئی_سوچ_کو pic.twitter.com/wK6NTb8t46— PPP (@MediaCellPPP) January 16, 2024
آصفہ بھٹو زرداری کا کہنا تھا کہ دوسری جماعتیں صرف کرسی کےلیے سیاست کرتی ہیں .
