بلیک میلنگ ثابت ہونے پر یوٹیوبر ،رپورٹر کو عدالت نے سنائی سزا

کراچی(قدرت روزنامہ)انسداد دہشت گردی عدالت ،عدالت نے یوٹیوب چینل مالک اور رپورٹر کے خلاف کلینک کے مالک کو بلیک میل کرنے اور رقم کی وصولی کے میں جرم ثابت ہونے پر یوٹیوب چینل کے رپورٹر اور مالک کو سزا سنادی
عدالت نے چینل مالک مزمل اسلم مونگا اور رپورٹر وسیم عباس ہاشمی کو سزا سنادی ،عدالت نے دونوں ملزمان کو 5,5 سال قید کی سزا سنادی ،عدالت نے دونوں ملزمان پر دس دس ہزار روپے جرمانہ بھی عائد کردیا،عدالت نے ضمانت پر رہا دونوں ملزمان کو کسٹڈی میں لے کر جیل بھیج دیا
ملزمان کیخلاف کلینک مالک عارف سولنگی نے عزیز بھٹی تھانے میں مقدمہ درج کرایا تھا، پراسکیویشن کے مطابق گزشتہ سال رپورٹر اپنے کیمرا مین کے ساتھ عارف سولنگی کے کلینک آیا، کلینک کی ویڈیو بنائی اور ڈیل کے لیے دھمکیاں دیں،ملزمان نے اپنا موبائل نمبر دیا اور تین لاکھ روپے طلب کیے تھے ، ملزمان کے دفتر جاکر ڈیڑھ لاکھ روپے دیے، ملزمان نے ایزی پیسہ کے ذریعہ بھی پیسے وصول کیے ہیں، پولیس نے مقدمہ درج کر لیا تھا تاہم ملزمان نے ضمانت کروا لی تھی، اب عدالت نے فیصلہ سنا دیا،ملزمان کو سزا سنا دی ، جس کے بعد ملزمان کو گرفتار کرکے جیل بھجوا دیا گیا ہے،