انوار الحق کا چینی وزیراعظم کو خط، قرض رول اوور کرنے کی درخواست

اسلام آباد (قدرت روزنامہ ) نگران وزیراعظم انوار الحق کاکڑ نے چینی ہم منصب کو خط لکھتے ہوئے 2 ارب ڈالر قرض کو رول اوور کرنے کی درخواست کر دی ہے .

نجی ٹی وی دنیانیوز کے مطابق انوارلحق کاکڑ نے چین کے وزیراعظم کو ایک سال کیلئے قرض مؤخر کرنے کی درخواست کی جبکہ چین کی جانب سے 2 ارب ڈالر کا قرض ایک سال کیلئے جلد رول اوور ہونے کا امکان ہے .

ذرائع کے مطابق چین کی جانب سے 2 ارب ڈالر قرض کیلئے 23 مارچ 2024 کو ڈپازٹ ٹائم مکمل ہو جائے گا موجودہ قواعد و ضوابط پر 2 ارب ڈالر قرض ایک سال کیلئے رول اوور کرنے کی درخواست کی گئی ہے .

2 ارب ڈالر کا ڈیپازٹ جلد رول اوور کرانے کیلئے وزارت خزانہ اور چینی حکام رابطے میں ہیں . نگران وزیراعظم انوار الحق کاکڑ کی جانب سے خط میں مالیاتی تعاون پر چین کا شکریہ بھی ادا کیا گیا .

انوار الحق کاکڑ نے خط میں کہا ہے کہ چین کی جانب سے مشکل معاشی صورتحال میں حکومت پاکستان کو قرض ادا کیا گیا، چین کی جانب سے مجموعی طور پر 4 ارب ڈالر کا قرض سیف ڈیپازٹ حاصل کیا ہوا ہے، چین سے 4 ارب ڈالر قرض ملنے سے پاکستان پر بیرونی ادائیگیوں کا بوجھ کم ہوا ہے .