پشاور / اسلام آباد(قدرت روزنامہ) خیبر پختون خوا کے میدانی اور بالائی علاقوں میں بارش اور برف باری کا سلسلہ جاری ہے۔
کے پی کے تمام سرد ترین علاقوں کے پہاڑوں نے سفید چادر اوڑھ لی۔ محکمہ موسمیات کا کہنا ہے کہ صوبے میں بارشوں اور پہاڑوں پر برف باری کا سلسلہ وقفے وقفے سے مزید دو دن جاری رہنے کا امکان ہے۔
پشاور میں گزشتہ رات کبھی ہلکی تو کبھی تیز بارش ہوئی جبکہ آج بھی شہر میں گہرے بادل چھائے ہیں۔
چترال میں لواری ٹنل پر پہلے سے موجود برف پر مزید برف پڑی ہے۔ سیاح لواری ٹنل اور برف دیکھنے کیلئے چترال پہنچنے لگے ۔ کالاش ویلیز میں برفباری سے مقامی نوجوانوں کیلئے کریک گاڑ (سنو گالف ) کی راہ ہموار ہو گئی۔
لوئر چترال کی بالائی تحصیل لٹکوہ گرم چشمہ کے علاقہ گبور ،مڈکلشٹ ،بگوشٹ جبکہ اپر چترال کے مقامات تریچ، کھوت ،ریچ ، بروغل میں بھی برفباری ہورہی ہے جس سے ندی نالوں کے پانی کے بہاؤ اور سردی میں بھی اضافہ ہوگیا۔ چترال میں بارش اور بالائی علاقوں میں برفباری سے الیکشن مہم میں خلل پڑنے کا خدشہ بھی ہے۔
ادھر مری میں بھی بارش اور برف باری کا سلسلہ جاری ہے۔ پچھلے تین گھنٹے میں ایک فٹ تک برف پڑچکی ہے اور اگلے تین سے پانچ گھنٹے تک شدید برف باری کے امکانات ہیں۔
دوسری جانب کراچی کے مختلف علاقوں میں ہلکی و درمیانی جبکہ چند علاقوں میں قدرے تیزبارش ریکارڈ ہوئی اور آج بھی بارش کا سلسلہ برقرار رہ سکتا ہے ۔
ریاض(قدرت روزنامہ)پاکستان سے تعلق رکھنے والی 34 سالہ خاتون نے عرفات کی پہاڑی پر صحت…
لاہور (قدرت روزنامہ) ماہرین فلکیات نے کہا ہے کہ 20 جون کو سال کا طویل…
لاہور (قدرت روزنامہ) تعمیراتی شعبے کے لیے بڑی خبر سامنے آئی ہے، ملک میں سیمنٹ…
کراچی (قدرت روزنامہ) گورنرسندھ کامران ٹیسوری کا کہنا ہے کہ سانگھڑ میں اونٹنی کی ٹانگ…
لاہور (قدرت روزنامہ)وزیراعلیٰ پنجاب مریم نواز کی صوبائی حکومت کے ابتدائی 100 دن مکمل ہوگئے…
بجٹ میں اسٹیل مصنوعات کی درآمدی ڈیوٹیز میں اضافے کی تجویز اسلام آباد (قدرت روزنامہ)وفاقی…