عائشہ عمر کا لہنگا چولی میں شوٹ، مداح فدا
لاہور(قدرت روزنامہ) پاکستانی اداکارہ عائشہ عمر کے خوبصورت لہنگا چولی میں فوٹو اور ویڈیو شوٹ پر مداح فدا ہو گئے۔شادی کے سیزن میں جہاں ہر برانڈ اپنے کپڑوں کی نمائش کیلئے شوبز شخصیات کا انتخاب کر کے سوشل میڈیا پر رونق لگائے ہوئے ہے وہیں اداکارہ عائشہ عمر کے فیشن برانڈ کے شوٹ نے سب کو مات دے دی۔
مزاحیہ ڈرامہ سیریل “بلبلے” کی خوبصورت اداکارہ نے معروف کلاتھنگ برانڈ کیلئے شوٹ کرایا جس میں انہیں ٹشو فیبرک سے بنے نارنجی اور سہنرے رنگ کے لہنگا چولی میں دیکھا گیا۔
منفرد سٹائل کے انتخاب سے فیشن کی دنیا میں سٹائل آئیکون کا سہرا اپنے سر سجانے والی اداکارہ عائشہ عمر نے اپنے اس انداز سے ایک بار پھر فیشن کے متوالوں کو مسحور کردیا۔
View this post on Instagram
عائشہ عمر کے اس لباس میں نارنجی رنگ کے لہنگے کے ساتھ سنہری چولی شامل تھی جس پر پیچیدہ کاریگری لباس کی خوبصورتی کو مزید نکھارتی معلوم ہو رہی ہے جبکہ اسکے ساتھ ٹشو سے تیار کردہ ڈبل شیڈ دوپٹہ بھی خوبصورتی میں اپنی مثال آپ ہے۔
خوبصورت میک اپ کے ساتھ اپنے حسن میں اضافہ کرنے کیلئے عائشہ عمر نے کانوں میں بندے، گلے میں ہار اور ہاتھوں میں چوڑیاں پہن رکھی ہیں۔