اداکارہ عریشہ رضی کی شادی بھی بارش کی نذرہوگئی
کراچی(قدرت روزنامہ) شوبز انڈسٹری کی نوجوان اداکارہ عریشہ رضی کی مایوں کی تقریب بھی گزشتہ شب ہونے والی طوفانی بارش کی نذر ہوگئی۔پاکستان ڈراما انڈسٹری میں بطورِ چائلڈ آرٹسٹ اپنے کیریئر کا آغاز کرنے والی اداکارہ عریشہ رضی کی شادی کی تقریبات کا آغاز ہوگیا ہے اور 3 فروری کی شب کراچی میں اداکارہ کی مایوں کی تقریب منعقد ہوئی تھی۔
عریشہ رضی کی مایوں کی تقریب جاری ہی تھی کہ اچانک شہر قائد میں بارش کا سسٹم برسنا شروع ہوا اور دیکھتے ہی دیکھتے شہر بھر میں موسلادھار بارش شروع ہوگئی۔
View this post on Instagram
اداکارہ کی مایوں کی تقریب کی کچھ ویڈیوز بھی وائرل ہورہی ہیں جن میں دیکھا جاسکتا ہے کہ عریشہ رضی نے اپنی مایوں کی تقریب کے لیے نارنجی اور گولڈن رنگ کا خوبصورت لباس زیب تن کیا جبکہ اُن کے دولہے میاں بھی نارنجی رنگ کے لباس میں ملبوس تھے۔
سوشل میڈیا پر وائرل ایک ویڈیو میں عریشہ رضی دوران تقریب بارش ہونے کی وجہ سے کمرے میں دیگر مہمانوں کے ساتھ افسردہ بیٹھی ہیں۔ویڈیو میں عریشہ رضی کہتی ہیں کہ بارش تو رُک نہیں رہی اور بجلی بھی چلی گئی ہے تو ایسا کرتے ہیں کہ کھانا کُھلوا دیتے ہیں کیونکہ سب مہمانوں کو بھوک لگ رہی ہے۔
View this post on Instagram
واضح رہے کہ عریشہ رضی نے سال 2022 میں خاموشی سے نکاح کیا تھا لیکن اُن کے نکاح کی تقریب کے فوٹوگرافر نے اُن کی اجازت کے بغیر تصاویر سوشل میڈیا پر وائرل کردی تھیں جس کے بعد تنازع کھڑا ہوگیا تھا۔
یاد رہے کہ 3 فروری کو کراچی میں ہونے والی بارش کے بعد شہر دریا کا منظر پیش کرنے لگا، سیوریج سسٹم ناکارہ اور کوئی پیشگی اقدامات نہ ہونے کی وجہ سے شہر کی تمام چھوٹی بڑی شاہراہوں پر میلوں دور تک ٹریفک جام رہا اور شہری رات گئے تک سڑکوں پر پھنسے رہے۔
