بھارتی اداکار پر خاتون صحافی سے شادی کے فراڈ کا مقدمہ درج

ممبئی(قدرت روزنامہ) نامور بھارتی اداکار درشن جاریوالہ نے خاتون صحافی کی جانب سے فراڈ کے الزامات کے بعد سینٹا آرگنائزیشن سے استعفا دے دیا . کولکتہ سے تعلق رکھنے والی خاتون نے اداکار پر الزام لگایا کہ انہوں نے ایک مندر میں ان سے شادی کی اور ان کو حاملہ کرنے کے بعد شادی سے منکر ہوگئے .

میڈیا پروفیشنل کی ایک تنظیم نے اداکار کے خلاف کولکتہ کے ایک پولیس اسٹیشن میں دھوکہ دہی اور فراڈ کا مقدمہ بھی درج کرایا ہے .
بھارتی میڈیا ذرائع کے مطابق درشن جاریوالہ نے خاتون کے خلاف ہتک عزت کا ایک کیس بھی دائر کیا ہے . درشن جاریوالہ 90 سے زائد ہندی اور گجراتی فلمی پروجیکٹس میں کام کرچکے ہیں اور ان کا شوبز کیریئر دو دہائیوں پر محیط ہے .