اگر آج الیکٹرونک ووٹر مشین ہوتی پاکستان اس بحران سے بچ جاتا، صدر مملکت

اسلام آباد (قدرت روزنامہ)صدر مملکت ڈاکٹر عارف علوی کا کہنا ہے کہ ‏الیکٹرانک ووٹنگ مشینوں (ای وی ایم) کیلئے ہماری طویل جدوجہد یاد رکھیں، اگر آج ای وی ایم ہوتی تو میرا یہ پیارا پاکستان اس بحران سے بچ جاتا .
اپنے بیان میں عارف علوی نے کہا کہ ای وی ایم میں کاغذی بیلٹ تھے جنہیں ہاتھ سے گناجا سکتا تھا جیسا آج کل کیا جا رہا ہے، ای وی ایم میں سادہ الیکٹرانک کیلکولیٹر، کاؤنٹر بھی تھا .

صدر مملکت نے کہا کہ ہر ووٹ ڈالنے کیلئے دبائے جانے والا بٹن ساتھ ساتھ گنا جا سکتا تھا، ہر امیدوار کا رزلٹ پول ختم ہونے کے 5 منٹ کے اندر دستیاب ہوتا اور پرنٹ بھی ہوجاتا . عارف علوی نے مزید کہا کہ ہماری یہ تمام جدوجہد جس کیلئے ایوان صدر میں 50 سے زائد میٹنگ ہوئیں ناکام کی گئی .