کراچی (قدرت روزنامہ )جماعت اسلامی کراچی کے امیر حافظ نعیم الرحمان نے پی ایس 129 کی سیٹ احتجاجا چھوڑنے کا اعلان کرتے ہوئے انتخابی نتائج کا فرانز ک آڈٹ کروانے اور چیف جسٹس سے نوٹس لینے کا مطالبہ کر دیاہے .
حافظ نعیم الرحمان نے پریس کانفرنس سے خطاب کرتے ہوئے کہا کہ ہمیں خیرات کی سیٹ نہیں چاہیے ،مطالبہ کرتا ہوں کراچی کے تمام نتائج کو کالعدم قرار دیا جائے ، سپریم کورٹ کے جج کی سربراہی میں کمیٹی بنائی جائے ،کمیٹی انتخابی نتائج کا فرانزک آڈٹ کرے ، فارم 45 نہیں دیئے جارہے تھے ، پریزائیڈنگ افسران کو کہا گیا رزلٹ میں تاخیر کرنی ہے ، اب قوم میں شعور پیدا ہو گیا ، مصطفیٰ کمال سمیت تمام لوگوں کو بدترین شکست ہوئی، فرانزک آڈٹ کیا جائے ، دودھ کا دودھ اور پانی کا پانی ہو جائے گا، یہ جعل سازی کر کے پھنس گئے ہیں ، اب نہیں نکل سکتے ، لوگوں کو انتہا پسندی کی طر ف نہیں لے جانا چاہیے ، فارم 45 کے مطابق نتائج دیئے جائیں ، چیف جسٹس پاکستان فوری نوٹس لیں .
. .